|
Verhoalen en Verskes
Visvlieterdiepke - Arie Meijer
Voarn deur t Visvlieterdiepke
zachtjes veuruut met de boot
de zun schient, de wiend rolt deur t reit hen
een reiger steit stief bij de sloot
Voarn deur t Visvlieterdiepke
t wodder is woddervaarfblau
een koe kikt verboasd wat doar aankomt
twee roekn zittn op n hek ien e rouw
Voarn deur t Visvlieterdiepke
t bootje deint zacht tussen t reit
een eend geft heur kuuknkjes wat zwemles
os hier mor gien reiger dan steit
ref.
Zo wol ik wel aaltied mor deurvoarn
mor k wiet heus wel dat dat niet ken
rechtuut nor het end van de wereld
het moakt me niks uut woar ik ben
de zun zakt ien t Visvlieterdiepke
een wodderröt glidt uut de kaant
het is hier zo rusteg en vredeg
ik hol het geluk ien e haand
Voarn deur t Visvlieterdiepke
en Visvliet komt aal dichterbij
straks leggn we de boot aan de steiger
mor mörregn dan doen we t opnij
ref.
Zo wol ik wel aaltied mor deurvoarn
mor k wiet heus wel dat dat niet ken
rechtuut nor het end van de wereld
het moakt me niks uut woar ik ben
de zun zakt ien t Visvlieterdiepke
een wodderröt glidt uut de kaant
het is hier zo rusteg en vredeg
ik hol het geluk ien e haand
Terug naar Grunnings
|
|